விடிய விடிய ஆட்டம், பறக்கும் உணர்வு... நரகமாகும் ‘கெம் செக்ஸ்’ (Chem Sex) விபரீதம்!

 உலகம் முழுக்கவே போதை கலாசாரம் என்பது ஒரு தீராத புற்றுநோயாகப் பரவி வருகிறது. சிங்கப்பூர், சவுதி அரேபியா போன்ற சட்டங்களும் தண்டனைகளும் இரும்புக்கரம் கொண்டு பாயும் நாடுகளில், இந்த போதைப் பழக்கம் ஓரளவுக்குக் கட்டுப்படுத்தப்பட்டு இருக்கிறது. ஆனால் துரதிர்ஷ்டவசமாக இந்தியா, பாகிஸ்தான், பங்களாதேஷ், இலங்கை போன்ற தெற்காசிய நாடுகளில் இதன் தாக்கம் நாளுக்கு நாள் விஸ்வரூபம் எடுத்து வருகிறது.

இளம் தலைமுறையினரை இந்த நரகக் குழியிலிருந்து காப்பாற்ற வேண்டுமென்றால், சட்டங்களும் தண்டனைகளும் மிகக் கடுமையாக்கப்பட வேண்டும் என்ற குரல் இப்போது வலுத்து வருகிறது. ஏனெனில், இப்போது பரவி வரும் போதை, வெறும் போதை மட்டுமல்ல... அது ‘கெம் செக்ஸ்’ (Chem Sex) என்ற அதிபயங்கர வடிவத்தை எடுத்துள்ளது!

என்னது ‘கெம் செக்ஸ்’? - திரைக்குப் பின்னால் நடக்கும் அதிர்ச்சி!

‘கெம் செக்ஸ்’ (Chemical Sex) என்பது, தீவிர வீரியம் கொண்ட சிந்தெடிக் போதை மருந்துகளை (Synthetic Drugs) உட்கொண்டு, அதன் போதை உச்சத்தில் இருக்கும்போது உடலுறவில் ஈடுபடுவதாகும்.

இன்றைய நவீன பார்ட்டிகள் மற்றும் ரகசியக் கூட்டங்களில் இந்த கலாசாரம் படுவேகமாகப் பரவி வருகிறது. இதைச் செய்பவர்கள் தங்களுக்குள் ஒரு மாய உலகத்தை உருவாக்கிக் கொள்கிறார்கள்:

போதை மருந்துகளின் வீரியத்தால், பாலியல் உணர்வுகள் வழக்கத்தை விடப் பல மடங்கு எகிறி, உச்சக்கட்டத்தை அடைவதாக நம்புகிறார்கள்.

காற்றில் மிதப்பது போலவும், தங்களை மறந்த ஒரு விசித்திர உலகத்தில் பறப்பது போலவும் உணர்வதாக இதை அனுபவித்தவர்கள் கூறுகிறார்கள்.

ஆனால், இந்த ‘பறக்கும் உணர்வு’ தற்காலிகமானது... இதன் முடிவு மரணத்தை விடக் கொடூரமானது என்பதை அவர்கள் உணர்வதில்லை.

மறைந்து போகும் சுயநினைவு... காண்டம் கூடப் பயன்படுத்தத் தெரியாத அளவுக்கு மயக்கம்!

ஒரு சாதாரண மனிதன், போதைக்கு அடிமையாகும் போது அவனது மூளையின் கட்டுப்பாடுகள் முற்றிலும் செயலிழந்து போகின்றன. இதனால், தேவையில்லாத மற்றும் பாதுகாப்பற்ற பாலியல் உறவுகளில் மிக எளிதாக விழுந்துவிடுகிறார்கள்.

“திருமணத்திற்குப் புறம்பான உறவுகளில் ஈடுபடும்போது காண்டம் (Condom) பயன்படுத்த வேண்டும் என்கிற குறைந்தபட்ச தெளிவும், விழிப்புணர்வும் கொண்ட ஆண்கள் கூட, இந்த போதை மயக்கத்தில் இருக்கும்போது எதைப் பற்றியும் கவலைப்படுவதில்லை. ‘போதை தலைக்கேறியதில் நான் என்ன செய்தேன், யாருடன் இருந்தேன், எப்படி செக்ஸ் செய்தேன் என்றே எனக்குத் தெரியவில்லை’ என்று கூறி கைகழுவும் ஆண்களின் எண்ணிக்கை இப்போது மருத்துவமனைகளிலும், கவுன்சிலிங் மையங்களிலும் அதிர்ச்சியூட்டும் வகையில் அதிகரித்து வருகிறது.”

இந்த சுயநினைவற்ற பாதுகாப்பற்ற உறவுகள், எச்.ஐ.வி (HIV) மற்றும் பிற கொடிய பாலியல் நோய்களை (STDs) மிக வேகமாகச் சமூகத்தில் பரப்பி வருகின்றன.

பள்ளி, கல்லூரி மாணவர்களைக் குறிவைக்கும் ஆபத்து!

இந்த போதைப் புயல் வெறும் பார்ட்டிகளோடு நின்றுவிடவில்லை. இன்று கல்லூரி மாணவர்களையும் தாண்டி, பிளஸ் 1, பிளஸ் 2 படிக்கும் பள்ளி சிறுவர்களிடமும் இந்த போதைப் பழக்கம் மிகத் தீவிரமாகப் பரவி வருவதுதான் ஒட்டுமொத்த சமூகத்திற்கும் விடுக்கப்பட்டிருக்கும் ரெட் அலர்ட் (Red Alert)!

இதனுடன் மற்றொரு ஆபத்தான விஷயமும் இணைகிறது: செல்போன் வழி ஆபாசப்படங்கள் (Pornography).

ஒருபுறம் கட்டுப்பாடற்ற போதைப்பொருள் பயன்பாடு, மறுபுறம் செல்போனில் பார்க்கும் வக்கிரமான ஆபாசக் காட்சிகள்... இவை இரண்டும் இணையும் போது, அந்த இளம் பிஞ்சுகளின் மூளை வக்கிரமாக மாறுகிறது. இதன் விளைவுதான், இன்று சமூகத்தில் நாம் அன்றாடம் பார்க்கும் பெண்கள் மற்றும் சிறுமிகளுக்கு எதிரான பாலியல் வன்புணர்வுகளும், கொடூரக் குற்றங்களும் ஆகும்.

தற்காலிக மகிழ்ச்சி... நிரந்தர அழிவு!

போதை மருந்தை எடுத்துக் கொண்டு செக்ஸ் செய்வது, அதைச் செய்யும் சில நபர்களுக்கு அந்த சில மணி நேரங்கள் வேண்டுமானால் சொர்க்கமாகத் தெரியலாம். ஆனால், அது ஒரு ஆரோக்கியமான சமூகத்திற்கு அடியோடு நல்லதல்ல. அது ஒரு தலைமுறையையே ஒட்டுமொத்தமாகச் சீரழித்து, வன்முறை காடாக மாற்றிவிடும்.

நாம் இப்போது ஒரு இக்கட்டான சூழ்நிலையில் இருக்கிறோம். "நாளைப் பார்த்துக்கொள்ளலாம்" என்று தள்ளிப்போட இனி நேரமில்லை. அரசு, காவல்துறை, பெற்றோர்கள் மற்றும் ஆசிரியர்கள் என அனைவரும் ஒன்றிணைந்து, இந்த போதை மற்றும் ‘கெம் செக்ஸ்’ அரக்கனை உடனடியாக அழித்தொழிக்க வேண்டிய கட்டாயத்தில் நாம் இருக்கிறோம்!